ЕУ обезбедува средства за 15 000 млади луѓе да патуваат низ Европа
Објавено во: Свет 11 Јуни, 2018
15.000 млади луѓе ќе имаат можност да се запознаат со Европа. Патувањата ќе се одржат од јули до октомври, како соло патување или во групи до 5 лица со воз. Во некои случаи, можно е да патувате со автобус, ферибот и авион, се вели во извештајот на Европската комисија.
Секоја земја во Европската унија ќе добие одреден број на патни билети, во зависност од популацијата во земјата, во споредба со вкупното население на Заедницата.
За да ја запознаат Европа, младите кои наполниле 18 години, ќе треба да одговорат на пет прашања поврзани со Европската година на културното наследство, со иницијативите на ЕК за млади луѓе, како и со претстојните избори догодина за Европскиот парламент.
Кандидатите ќе бидат определени врз основа на одговорите што ги дале. Победниците ќе можат да патуваат до 30 дена и да посетуваат четири локации во странство.
Рокот за пријавување е 26-ти јуни. ЕУ троши 12 милиони евра за ова. Оваа есен ќе биде втор круг на апликација со најмалку 5000 билети.
Ако Европскиот парламент и Советот на ЕУ поддржат уште 700 милиони евра, се очекува уште 1,5 милиони млади луѓе да можат да патуваат во ЕУ помеѓу 2021 и 2027 година.