ЕУ подготвува нов самит за Брегзит-што ќе се одлучува?

Добивај вести на Viber

Европската унија ќе има нова средба со врвот на крајот на април или почетокот на мај, за да ги одобри насоките за преговори со Британија за Брегзит, соопшти извор од Брисел. 

Досегашните планови ова да се случи на вонредна средба на 6 април веќе не се дискутираа, бидејќи дотогаш нтема да има доволно време за подготовка. 

„Британското известување на 29 март не остава многу време за подготовка на Европски совет на 6-7 април, кој ќе ги одобри насоките за Брегзит“, изјавил извор од Брисел.

Според соопштението на претседателот на Европскиот совет, Доналд Туск, кој е одговорен за свикување на состаноците на врвот, за 48 часа ќе бидат објавени нацрт насоките. 

Претходно денеска Британија најави дека на крајот на месецов официјално ќе го активира Член 50, кој го предвидува излегувањето од ЕУ. 

Се очекува претстојната средба да зависи делумно и од француските претседателски избори, кои ќе се одржат на 23 април и 7 мај, посочува друг европски извор. По одобрувањето на преговорите според правила на европско ниво, тие треба да бидат прифатени и во одделните земји, по што ќе му се даде официјален мандат на Мајкл Барнер, кој е одговорен за преговорите со Лондон од страна на Европската комисија.

Според претставници од Брисел не се очекува преговорите да започнат пред јуни.