ЕВЕ КАКО ЌЕ ИЗГЛЕДААТ СРПСКИТЕ ЛОКАЛИ КОГА ЌЕ ПРОРАБОТАТ - паравани, маски, а вработените не смеат да користат мобилни

Добивај вести на Viber

Српското Здружение на угостители објави упатство со низа безбедносни мерки за да им помогне на сопствениците на кафулиња и ресторани да отворат кога тоа ќе биде дозволено.

Водичот утврдува збир на упатства што треба да ги преземат за да се вратиме во нормала по здравствената криза со вирусот корона. Документот го дели процесот во три фази: повторно отворање, почнување со работа и само отворање за гости.

Прво, дезинфекција пред отворањето.

Пред да се вратите на редовните активности, потребно е темелно чистење и дезинфекција на просториите. Покрај тоа, се предлага да се измени гастрономската понуда и дневниот распоред за сервисирање.

Препорачливо е постепено да се прилагодувате на новите работни околности во однос на расположливиот персонал, инвентарот и залихите.

Исто така, локалот треба да има редовни снабдувачи на заштитни маски, ракавици, средства за дезинфекција и паравани за масите, кои веројатно ќе бидат поставени заради за заштита.

Второ, информативни натписи.

Во оваа фаза, се смета за многу важно да се постават информативни натписи што ќе ги потсетуваат вработените правилно да користат заштитна опрема, да промовираат плаќања со кредитни картички, постојано да ги мијат рацете или да користат ракавици и гелови за рацете. 

Персоналот ќе мора да носи работна облека и чевли, униформата мора да биде чиста, постојано да ги мијат рацете и да користат маски. Забрането е да излегуваат на пауза за цигара во работната облека, а не е дозволено ниту користење на мобилни телефони за време на работата, заради можно пренесување на заразата. 

Трето, дезинфекција на лименките.

Исто така, по приемот на нарачката и пред да им служите на гостите, треба да се дезинфицираат лименките и шишиња со пијалоци.

Влезот во местото каде што се подготвува храната треба да биде забранет за невработените. Доколку дојде инспекција, тие ќе треба да носат заштитна опрема и да имаат превентивно мерење на температурата пред да влезат.

Во кујната, просторот треба да биде организиран така што да не се надмине безбедното растојание од еден и пол метри.

Во земјава правилниците се договараат со угостителите, а правилата на игра досега не се јавно обелоденети.