Европа децидно предупреди: Каталонија нема поддршка за независноста
Објавено во: Свет 20 Октомври, 2017
Европските земји ја прифаќаат каталонската криза како внатрешно прашање за Шпанија, но нема да ја поддржат независноста на регионот. Ова го изјави претседателот на Европскиот парламент, Антонио Тајани, во интервјуто за Радио Копе.
"Европа повикува на дијалог", додаде Тајани. "Важно е да се побара решение во рамките на шпанската правна основа и уставот".
"Ќе биде убаво ако владата на Каталонија не прогласи независност, бидејќи никој во Европа не може да се согласи со независноста на Каталонија", истакна Тајани.
Лидерот на ентитетот Карлес Пучдемон испрати писмо до премиерот Маријано Рахој, во кое се закани дека ќе организира гласање во регионалниот парламент по прашањето за прогласување независност, ако Мадрид не се согласи на дијалог.
Владата во Мадрид изјави во одговор дека поведува постапка за примена на член 155 од основниот закон кој овозможува ограничување на самоуправата на Каталонија.