Европа и САД загрижени поради руското влијание на Балканот?
Објавено во: Балкан 25 Јуни, 2017
Влијанието на Русија на Западен Балкан, а посебно во Србија, ги загрижи Вашингтон и Брисел.
Во Стејт департментот сериозно се разгледува позицијата на Рускиот хуманитарен центар во Ниш, а Европскиот парламент во Резолуцијата за Србија укажа на загриженост од заедничките воени вежби на српската и руската војска и го повика Белград на усогласување на надворешната политика со ставовите на ЕУ.
Фактот што со Рускиот хуманитарен центар САД се занимаваат на највисоко политичко ниво, но и со препораките на Европскиот парламент, се зборува дека во САД се одлучиле фокусот на вниманието да го вратат на овој регион.
Брисел извесно време размислува како економски да му помогне на Западен Балкан да го надмине периодот до приклучувањето во ЕУ. Не е тешко да се погоди дека зад тоа стои намерата да се спречи ширењето на руското влијание, на кое би оделе на рака идни тензии во регионот.
На овие случувања во регионот придонесе влезот на Црна Гора во НАТО, нестабилноста во Македонија, состојбата во БиХ, како и на Косово кое допрва треба да основа нова влада.