Еврото ќе чека уште деценија или две за примена во оваа земја
Објавено во: Економија 16 Март, 2017
Една европска земја го одложува воведувањето на еврото.
Полска нема да го прифати еврото барем уште 1 или 2 децении.
Ова го најави вицепремиерот на Полска, Матеус Мораветци, цитиран од „Блумберг“.
Тој објаснува дека Полска ги нема економските и индустриските стандарди кои ги имаат земјите на еврозоната, како по прашање на развојот, така и по прашањето за висината на платата, како и слободното движење на службите.
„По 10-20 години, кога клучните параметри на нашата економијата ќе бидат слични на оние кои постојат во Германија, Франција и Холандија, ќе ја разгледаме можноста“- вели тој.
Додава дека доколку земјата се лиши од алатки како можноста за емитирање на долг, определување на каматни стапки и печатење на слободно конвертибилна валута, таа „наскоро ќе се сожали“ за својата одлука.
Воведувањето на еврото во Полска би било можно само по пат на референдум, затоа што во Уставот на Полска полскиот злот е официјална национална валута.
Инаку, Полска не е единствена земја во Европа која не го користи еврото. И други земји се подготвуваат за воведување на валутата.