Еврото на највисоко ниво од мај 2018 година
Објавено во: Економија 03 Декември, 2020
Доларот паѓа, а еврото продолжи да расте. Вчера се тргуваше за 1.2084 американски долари и со тоа го достигна највисокото ниво од мај 2018-та година.
Европската централна банка (ЕЦБ) во вторникот попладне ја утврди референтната стапка на 1,1968 американски долари. Еврото вчера додаде 1 отсто на својата вредност во однос на доларот.
Во моментов, еврото го искористува слабиот долар. Еврото, австралискиот и канадскиот долар, како и корејскиот вон, ги достигнаа своите највисоки вредности во однос на американската валута најмалку две години во последната недела. Швајцарскиот франк има најсилен учинок од 2015-та година. Британската фунта ужива високи вредности, откако достигна едногодишен пик, без оглед на неизвесноста околу преговорите за „Брегзит“.