ФАКТИ ЗА ПОЖАРОТ ВО АМАЗОНИЈА КОИ СЕ ШОКАНТНИ: Секоја минута исчезнуваат три фудбалски терени
Објавено во: Свет 26 Август, 2019
Разорните пожари ја доведоа Амазонија близу до точка од која нема враќање. За тоа зошто оваа прашума се претставува како „бели дробови на светот“ и каква е состојбата на терен најдобро кажуваат 15 бројки кои ниту малку не се охрабрувачки.
Иако покрива само еден процент од Земјината површина, Амазонија е дом за 10 отсто од сите нам познати видови, а веројатно и многу кои уште не се откриени, предупреди Светскиот фонд за природа.
Амазонската прашума се наоѓа во Јужна Америка и покрива површина од 5 500 000 квадратни километри. Тоа значи дека повеќе од половина од територијата на Земјата која се наоѓа под прашумата се наоѓа токму во Амазонија.
Дури 16 отсто од кислородот кој настанува на копно се создава во Амазонија.
Таа покрива територија на девет држави. Најголем дел се наоѓа во Бразил (60 отсто) , следат Перу-13 отсто и Колумбија 10 отсто, додека остатокот го делат Венецуела, Боливија, Еквадор, Гвајана, Суринам и Француска Гвајана.
Во Амазонија живеат 33 милиони луѓе , но и 390 милијарди дрвја (околу 16 000 видови дрвја постојат во оваа прашума).
Исто така, таа претставува дом за 420 автохтони видови, 40 000 билни видови, 370 видови рептил.
Бразилскиот истражувачки центар објави дека само оваа година на оваа територија избиле 72 8433 пожари.
Статистиката исто така покажува дека тоа е раст на бројот на пожари од 83 отсто во однос на претходната година. Исто така, тоа е и најголем број пожари откако се мери нивниот број , значи од 2013 година.
Секоја минута поради пожари исчезнува територија под прашумата голема колку три фудбалски терени.
На сателитските снимки кои НАСА ги објави се гледаат размерите на оваа катастрофа која кулминираше деновиве и покрена протести од еконолошки здруженија. Доби и полтичка димензија, како на домашна сцена во Бразил, така и на глобално ниво.
Вчера во борба со огнот тргнаа 44 000 бразилски војници. Ова е најзначајната битка во нивните животи.
Foto: depositphotos/pedarilhos
Можеби ќе ве интересира
Украина призна тактички успех на Русија во регионот Харков
ГЕРМАНЦИТЕ НЕ ПЛАЌААТ ПРЕКУВРЕМЕНА РАБОТА: Сериозно го стегнаа ќесето, а сето тоа треба да го трпат вработените!
Кој е Андреј Белоусов кого Путин го предложи за нов министер за одбрана?
ОВОЈ ЧОВЕК Е БАНКАРСКА ИНСТИТУЦИЈА: Шеф е на најголемата банка во светот, чувар на глобалната економија и го смета биткоинот за измама
РАЗМИСЛУВАТЕ ЗА СЕЛИДБА ВО АМЕРИКА? Ова се цените на куќите во 30 поголеми градови - Њујорк и Лос Анџелес не се најскапи
ЛУЃЕ БЕГААТ ВО ПАНИКА, ОДРОНИ НА ПАТИШТАТА - први снимки од земјотресот во Мексико
СИЛЕН ЗЕМЈОТРЕС РЕГИСТРИРАН НА ГРАНИЦАТА МЕЃУ МЕКСИКО И ГВАТЕМАЛА - јачина од 6,4 степени
ТОМИСЛАВ И АЛЕКСАНДРА ОТИШЛЕ ВО ГЕРМАНИЈА, СЕГА НЕМААТ НИ ЗА ЛЕБ: Со месеци без приходи поради еден документ
„ФАЈНЕНШЕЛ ТАЈМС“: Кина најде неочекуван сојузник во борбата против САД
