ФАКТОР НА ДЕНОТ: Бугарски пратеник во Скопје порача дека сме ист народ, МНР реагираше
Објавено во: Македонија 25 Ноември, 2022
БУГАРСКИ ПРАТЕНИК СО ПРОВОКАЦИЈА ВО СКОПЈЕ
Македонија е втора бугарска држава, вели бугарскиот пратеник Костадин Костадинов на отворањето на Културно-информативниот центар на Бугарија во Скопје.
Кажа дека треба да бидеме една држава, која ќе се протега од Црното Море до Охридското Езеро.Новинарот Матеја Петровски го збуни бугарскиот пратеник Костадин Костадинов кој денеска во Скопје кажа дека Македонците и Бугарите се ист народ.
Ако сме ист народ, новинарот го праша дали тој е Македонец. На ова бугарскиот пратеник кажа дека тоа е исто, но потоа тој го праша новинарот дали може да се каже за него дека тој е Бугарин, на што новинарот одговори дека тој е Македонец.МНР РЕАГИРАШЕ
Министерството за надворешни работи ги осудува иредентистичките изјави кои содржат и територијални претензии кон Република Северна Македонија изкажани јавно и повеќе пати од страна на бугарскиот пратеник и лидер на политичка партија, Преродба, Костадин Костадинов.
„Фактот што овие изјави се повторуваат, овојпат и во Скопје и тоа на значаен и за двете страни симболичен повод, отворање на нови канцеларии на Културно-информативниот центар како и во пресрет на Бизнис форумот меѓу Северна Македонија и Бугарија, не можеме, а да не ги толкуваме како обиди за минирање на силните напори на двете Влади за унапредување на соработката и како организирана провокација, која треба да биде осудена од сите проевропски политички структури и институции во двете држави“, се наведува во соопштението на МНР.УКИНАТА ПРВОСТЕПЕНАТА ПРЕСУДА ЗА МИЈАЛКОВ ВО „ТРЕЗОР“
Првостепената казна затвор за поранешниот шеф на тајната полиција, Сашо Мијалков, е укината од Апелациониот суд Скопје поради недоследности во доказната постапка.
Од таму донесено е ешение со кое се уважуваат жалбите на обвинетите во случајот „Трезор“, изјавени преку нивните бранители, со што ја укина првостепената пресуда и предметот го врати на повторно постапување и одлучување пред Основниот кривичен суд Скопје.ОНИШЧЕНКО САКАЛ ДА ОТВОРИ БАНКА
Kонтроверзниот украински бизнисмен Олександр Онишченко имал план да инвестира во банка и да се занимава со спорт. Контакти со политичари од Македонија немал.
„Политичари во Македонија не познавам. За да имате добар коњички тим, потребна е инвестиција барем од 2 или 3 милиони евра. Значи, затоа, не ми е јасно зошто би морал да му платам на некого? А македонскиот пасош, не е подобар од мојот украински или германски. Федерацијата ме побара и јас прифатив. Не знам зошто сега толку комплицираат. Коњите се мои, јас спонзорирам. Целиот овој скандал е поттикнат затоа што мислат дека ќе влезам јас во Македонија и ќе им го земам бизнисот со гас. Кажете им дека само со спорт се занимавам“, тврди Онишченко за Слободен печат.ЧИТАЈТЕ УШТЕ