ФАКТОР НА ДЕНОТ: Две условни кaзни и една ослободителна пресуда за пожарот во модуларната болница во Тетово
Објавено во: Македонија 05 Јуни, 2023
„ПАДНАА“ ПРЕСУДИ ЗА ПОЖАРОТ ВО МОДУЛАРНАТА БОЛНИЦА ВО ТЕТОВО
Поранешните директори на тетовската болница - Флорин Бесими и Артан Етеми условно се прогласени за виновни за пожарот во модуларната болница, додека докторот Бобан Вучевски е ослободен од вина.
РАЗРЕШЕН САШКО ЈОВЕВ
Професорот Сашко Јовев, кој долги години е прв човек на Државната кардиохирургија, кој практично ја создаде оваа клиника и ја доведе до ниво на светска институција е разрешен од страна на министерот за здравство Фатмир Меџити, велат за Фактор извори од Клиниката.
-На 27.мај беше отворена хибридна операциона сала на Универзитетската клиника за државна кардиохирургија која овозможува хирургија со малку компликации, брз опоравок, кратка рехабилитација и таканаречена минимално инвазивна хирургија. Сега имаме и апарат за срцева и белодробна поддршка каков што нема во регионов. Сето ова беше промовирано во јавноста во термин кој беше посочен од премиерот Димитар Ковачевски, но најверојатно не му се допадна нашата одлука на министерот Меџити кој инсистираше свеченото отворање да биде во друг термин. Поради каприц тој одлучи да ме смени, вели професорот Јовев за Фактор.АХМЕТИ ОЧЕКУВА ДЕКА МАКЕДОНИЈА ЗА 3-4 ГОДИНИ ЌЕ ВЛЕЗЕ ВО ЕУ
Првиот човек на ДУИ, Али Ахмети е оптимист и вели дека за 3-4 години ќе влеземе во Европската Унија(ЕУ).
Aхмети рече дека треба да се направат уставни измени, но и да има помирување. Вели дека иднината на идните генерации е на прво место.
ЧИТАЈТЕ УШТЕ
Ако ги следиме податоците од Евростат, објавени од претходните години, тие покажуваат дека третина од македонските граѓани не можат ниту еднаш месечно да излезат на ручек во ресторан.