ФАКТОР НА ДЕНОТ: Eскобар вели дека не дошол да врши тортура, а Ковачевски верува дека во ВМРО-ДПМНЕ има европски капацитет
Објавено во: Македонија 25 Август, 2023
ЕСКОБАР ВЕЛИ ДЕКА НЕ Е ВО МАКЕДОНИЈА ЗА ДА ВРШИ ТОРТУРА
Заменикот помошник државен секретар на САД, Габриел Ескобар вели дека не е во Македонија да врши тортура врз некого. Тој вака ја прокоментира изјавата на претседателот на ВМРО-ДПМНЕ, Христијан Мицкоски дека власта барала од меѓународните пријатели да се притисне опозицијата да го смени ставот за уставните измени.
Ескобар порача дека САД не избираат влади за земјите на НАТО, но вели дека поставуваат очекувања.
Лидерот на ВМРО-ДПМНЕ Христијан Мицкоски на средбата со заменик-помошникот државен секретар на САД и специјален претставник за Западен Балкан, Габриел Ескобар го потврдил ставот на коалицијата предводена од ВМРО-ДПМНЕ во врска со уставните измени.КАСАМИ ПАК ОБЈАВИ ФОТОГРАФИЈА СО ЗНАМЕТО НА ГОЛЕМА АЛБАНИЈА
Повторно знаме на Голема Албанија се појави во Тетово, а градоначалникот Билал Касами се фотографираше пред него.
Тој беше да промовира асфалтирана улица, а зад него, се вееше знамето кое укажува на територијални претензии. Касами, даваше изјава за медиумите, а зад него имаше знаме на Голема Албанија. Потоа, фотографии објави и на социјалните мрежи. На фотографиите нема македонско знаме. Инаку, судот испрати покана до Општина Тетово за судски процес затоа што при посетата на косовскиот премиер Албин Курти, немаше македонско знаме, а имаше знаме на Голема Албанија. Судското рочиште ќе се одржи на 15 септември.
ЛУКАШЕНКО ГО ПРЕДУПРЕДИЛ ПРИГОЖИН ДЕКА ЌЕ УМРЕПред два месеци му кажав на Пригожин дека ќе умре, вели белорускиот претседател Александар Лукашенко.
Тој изјави дека ги предупредил лидерите на руските платеници Евгениј Пригожин и Дмитриј Уткин, да бидат внимателни и тврди дека борците на Вагнер ќе останат во Белорусија.
ЧИТАЈТЕ УШТЕ
Пензионерите кои работеле во странство и сега примаат странски пензии, убаво си живеат во Македонија.