ФАКТОР НА ДЕНОТ: Ганиу и Касами повикани во полиција, за нив ќе има прекршочни пријави

Добивај вести на Viber

ГАНИУ И КАСАМИ ПОВИКАНИ ВО ПОЛИЦИЈА

Прекршочни пријави се поднесени против градоначалникот на Чаир, Висар Ганиу. 

Градоначалникот денеска е повикан на разговор во Полициската станица „Бит Пазар“ каде што бил информиран дека добил две прекршочни казни во врска со организацијата на посетата на косовскиот премиер, Албин Курти, во Чаир.

„Околу 13 часот и 30 минути бев поканет од началникот на полицијата ‘Бит Пазар’ да дојдам на информативен разговор. Претставени ми беа причините. Одлучено е дека во моментов имам две прекршочни казни, а причината е посетата на премиерот Албин Курти во Чаир“, рече Ганиу во изјава за медиумите пред ПС „Бит Пазар“.

Прекршочните пријави за Касами и Ганиу се поради притисок од српската антиалбанска политика, вели екс градоначалниот на Чаир, Изет Меџити. 

Градоначалничката на Град Скопје, Данела Арсовска ја поднесе иницијативата за враќање на името на улицата Втора македонска бригада во Чаир, но ќе ѝ треба Бадентер. 

ВЈОСА ОСМАНИ ТВРДИ ДЕКА НАСТАНАЛО НЕДОРАЗБИРАЊЕ

Македонија е ценет сосед, повикувам на надминување на недоразбирањата, повика косовската претседателка Вјоса Османи за бурните реакции откако косовскиот премиер Албин Курти во петокот присуствуваше во Чаир, каде улица е именувана по Адем Демачи, а потоа во Тетово присуствуваше на собир каде се вееше знамето на Голема Албанија. 

Османи, како што пренесе МИА, ги повика македонските институции, „доколку ги загрижува нешто“, истото да го адресираат согласно меѓународните стандарди за заштита на човековите права и на правата на немнозинските заедници.

ИМА ДОВОЛНО ТЕСТОВИ ЗА КОНГО-КРИМСКАТА ХЕМОРАГИЧНА ТРЕСКА

Д-р. Александар Петличковски, претседател на Комисијата за заразни болести, по денешниот состанок информираше дека нема место за паника и по појавата на третиот заразен пациент со конго-кримска хеморагична треска. Средбата беше иницирана од страна на министерот за здравство, Фатмир Меџити, а освен членовите на Комисијата за заразни болести, присуствуваа и претставници од Агенцијата за храна и ветеринарство, од Факултетот за ветеринарна медицина и од центрите за јавно здравје од Штип и од Велес. Заклучоците, како што истакна д-р Петличковски се во насока на превентивни мерки.

ТРЕНЧЕВСКА ВЕЛИ НЕ МОЖЕ НЕКОЈ ШТО РАБОТЕЛ 15 ГОДИНИ ДА ЗЕМА ИСТА ПЕНЗИЈА КАКО ТОЈ СО 40 ГОДИНИ

Секое едно нереално покачување на пензиите ќе ја доведе во ситуација стабилноста на Фондот за пензиско осигурување. Не сакаме да бидеме популисти и да дадеме линеарно зголемување или зголемување на пензиите коишто ќе ги задоволат пензионерите за да после три-четири месеци ниеден пензионер во државата не земе пензија.

ЧИТАЈТЕ УШТЕ

Фактот дека најголем дел од пензионерите земаат мали пензии, со кои одвај успеваат да ги покријат основните трошоци е доволна причина да се смета за оправдана сегашната реакција и протестите кои ги огранизираат пензионерите деновиве и со кои бараат линеарно зголемвуање на пензиите. 

Мал дел од бездомните лица во Македонија успеваат да се вработат, да најдат сместување под кирија и полека да си го средуваат животот.