ФАКТОР НА ДЕНОТ: Го славиме Велигден, во Украина нема примирје, во Франција победи Макрон
Објавено во: Македонија 24 Април, 2022
ГО СЛАВИМЕ ВЕЛИГДЕН
Денеска е Велигден, празник што симболизира победа на животот над смртта.
Според евангелието, настанот се случил на гробот на Христос, а радосната вест на жените мироносници им ја соопштил архангелот Гаврил.
Според одлуката на Никејскиот собор (325 година), што го почитуваат сите православни цркви, Велигден се слави во првата недела на полната месечина по пролетната рамноденица, но секогаш по еврејската Пасха.ВО УКРАИНА НЕМА ПРИМИРЈЕ
Украина има предлог до Русија за велигденско примирје.
Михајло Подољак, советник на шефот на Претседателството на Украина, на Руската Федерација ѝ нуди специјални преговори поради постојаните напади на челичарата „Азовстал“ во пристанишниот град Мариупол.
„За да се направи тоа, потребни се само три Мариуполски чекори:
- Прогласете вистинско велигденско примирје над Мариупол.
- Веднаш да се обезбедат хуманитарни коридори за цивилите.
Рускиот претседател Владимир Путин повеќе не е заинтересиран за дипломатски напори за решавање на конфликтот и наместо тоа сака да окупира што е можно повеќе украинска територија, стои во извештајот на Фајненшл Тајмс.
МАКРОН ПОБЕДИ НА ПРЕТСЕДАТЕЛСКИТЕ ИЗБОРИ ВО ФРАНЦИЈА
Французите го реизбраа Емануел Макрон за претседател.
Нов француски претседател е Емануел Макрон на кој Французите денеска му доверија нов петгодишен мандат освојувајќи 58 отсто од гласовите. Сепак тој е далеку од 66,10 отсто освоени гласови во 2017 година. Марин Ле Пен освои 42 отсто од гласовите, јави дописникот на МИА.