ФАКТОР НА ДЕНОТ: Имаше лажна дојава за бомба во автобуси на ЈСП, Советот на Град Скопје пренамени средства за плати

Добивај вести на Viber

ДОЈАВА ЗА БОМБА ВО АВТОБУСИ НА ЈСП

Министерот за внатрешни работи Оливер Спасовски денеска објави дека се проверени сите автобуси на Јавното сообраќајно претпријатие - Скопје по лажната дојава за поставена бомба во еден од нив непосредно пред најавениот протест пред Владата.

СОВЕТОТ НА ГРАД СКОПЈЕ ПРЕНАМЕНИ СРЕДСТВА ЗА ПЛАТИ ЗА ВРАБОТЕНИТЕ

Советот на Град Скопје попладнево изгласа пренамена на средства од буџетот за плати во ЈСП Скопје. 

СЕ КАРАА СЛАВЕСКИ И АРСОВСКА

Тензии имаше на денешната седница на Советот на Град Скопје. Претседателот на Советот, Трајко Славевески на денешната вонредна советничка седница се симна од своето место и  го одзема микрофонот на актуелната градоначалничка на Скопје, Данела Арсовска, која во истиот момент зборуваше за криминалите ВМРО-ДПМНЕ.

OСМАНИ СЕ ИЗВИНИ ЗА ГРЕШКАТА СО ЗНАМЕТО

Министерството за надворешни работи изразува длабоко извинување за, како што велат, ненамерниот пропуст при употребата на малото знаме на тет-а-тет средбата на двајцата Министри при посетата на Министерката Фајон на земјава, кое било едно од десетте државни обележја кои беа употребени за време на средбите.

ПРОВОКАЦИИ ОД БУГАРИЈА

Претседателот на „Има таков народ“, Слави Трифунов бара Бугарија веднаш да го врати ветото на Македонија за Европската Унија(ЕУ). 

Нови провокации денеска има од соседна Бугарија. Бугарскиот пратеник Костадин Костадинов од политичката партија „Преродба“ на денешната прва седница од новиот бугарски парламент изјави дека Македонија е втората бугарска држава.

ЧИТАЈТЕ УШТЕ

Продавач е најголемиот институционален инвеститор Сава пензиски фонд кој одлучи да ги продаде своите 7,5 отсто од акциите за 5,6 милиони евра. Нема јавна потврда за тоа кои се новите сопственици на овие акции затоа што се најмалку двајца и не го исполнуваат законскиот услов по кој мора јавно да се обелоденат новите сопственици

Од 1 ноември, српскиот динар ќе биде на курсната листа на Народната банка, но и македонскиот денар ќе се најде на курсната листа на Народната банка на Србија. Ова е „ветер во грб“ за унапредување на соработката меѓу двете земји.

Граѓаните кои секоја година се вакцинираат против сезонскиот грип со воодушевување ја дочекаа информацијата дека од денеска почнува имунизацијата против инфлуенца и во разговор за Фактор велат дека оваа година здравствените власти овозможија таа да почне на време, односно во октомври.

Времето надвор деновиве можеби е топло, но такво сигурно нема да биде уште долго. Се ближи почетокот на ноември, кога температурите ќе паднат за неколку степени целзиусови, а она што во моментов е фактичка ситуација, е дека власта за наредниот месец се уште нема набавено гас за загревање на скопските радијатори.