ФАКТОР НА ДЕНОТ: Мијалков ослободен од затвор за „Плацеви на Водно“, а Ковачевски бара Бугарија да ги признае правата на Македонците

Добивај вести на Viber

МИЈАЛКОВ НЕМА ДА ЛЕЖИ ЗАТВОР ЗА „ПЛАЦЕВИ НА ВОДНО“

Апелација донесе одлука за процесот „Плацови на Водно“, така што екс директорот на УБК, Сашо Мијалков е ослободен од затвор, а поранешниот премиер Никола Груевски треба да издржи казна од девет години. 

СОФИЈА ДА ГИ ПРИЗНАЕ ПРАВАТА НА МАКЕДОНЦИТЕ

Македонските власти бараат Бугарија да ги признае правата на Македонците. 

Премиерот Димитар Ковачевски ги повика бугарските власти да ги почитуваат пресудите на Европскиот суд за човекови права и да го признаат правото на самоопределување на Македонците, кои живеат во Бугарија.   Изјавата на премиерот доаѓа по извештајот за човекови права на американскиот Стејт департмент објавен деновиве, во кој во делот за Бугарија пишува дека земјата и понатаму одбива да ги регистрира активистичките групи на етничките Македонци и покрај бројните пресуди на ЕСЧП.  За да продолжи на патот кон ЕУ, Македонија мора да направи уставни измени со кои Бугарите ќе бидат внесени во македонскиот Устав, но ВМРО-ДПМНЕ е против, а лидерот Христијан Мицкоски тврди дека и покрај притисокот од меѓународната заедница нема да го променат ставот. 

ДОКТОР БЕЌАРОВСКИ СЕ ОГЛАСИ ЗА СЛУЧАЈОТ СО ПОЧИНАТОТО ДЕВОЈЧЕ ВО БИТОЛА

По објавата на Државниот и санитарен здравствен инспекторат по направената инспекција во болницата во Битола, се огласи и доктор Нико Беќаровски. 

Тој истакнува дека секој доктор добро ја знае траумата кога го „давате најдоброто од себе, а сепак го губите пациентот“. 

Потенцира дека особоено трауматично е кога станува збор за младо беспомошно девојче. 

- Секој доктор кој ќе го прочита извештајот од ДСЗИ ќе се сложи дека колешките од Битола го направиле максимумот кој го имале на располагање.

ТРОЈАЗИЧНИ ПОЛИЦИСКИ УНИФОРМИ ВО СКОПЈЕ И ЗАПАДНА МАКЕДОНИЈА

Од денеска, како што е објавено во Службен весник, стапува во сила Уредбата за униформата и ознаките на униформата на полицијата која Владата ја донесе пред една година врз основа на Законот за употреба на јазиците, во главниот град Скопје и во другите општини каде што живеат најмалку 20 отсто граѓани од заедниците.

„Во Градот Скопје, во општините во Градот Скопје и во општините во кои најмалку 20% од граѓаните зборуваат службен јазик различен од македонскиот јазик, ознаките на основната униформа се: натпис "ПОЛИЦИЈА" "POLICIA" "POLICE", натпис "СООБРАЌАЈНА ПОЛИЦИЈА" "POLICIA E TRAFIKUT" "TRAFFIC POLICE", амблем "ПОЛИЦИЈА" "POLICIA" "POLICE", амблем "ГРАНИЧНА ПОЛИЦИЈА" "POLICIA KUFITARE" "BORDER POLICE", амблем во форма на штит со намалени димензии и метална ознака за шапка“, пишува во Уредбата.

ЧИТАЈТЕ УШТЕ

Познавачите на состојбите во најголемата политичка партија на етнички Албанци во Македонија се убедени дека најголем грев на Салмани за смената од директорското место во М-НАВ е тоа што припаѓал на одметната фракција позната под називот „Огнените“. Нов извршен директор на финансиски работи, правни работи, развој и инвестиции е Хасим Деари

Mакедонија може да „увезе“ работници од странство, но за тоа треба да има соодветен закон, смета Зоран Кочоски од агенцијата „Коузон“.

Некогашниот симбол на скопското модерно живеење, Градскиот трговски центар, засега никако да почне да работи профитабилно.

Изработката, односно замена на личните документи од страна на граѓаните ќе поскапи, откако Владата го одобрила решението на Министерството за внатрешни работи што во наредниот период треба да стапи во сила откако ќе се објави во Службен весник, дознава „Фактор“.

Дејноста на медицинските сестри е од исклучително значење за здравствениот систем на секоја држава, но начинот на едукацијата има огромно влијание врз квалитетот на понудените услуги, вели во разговор за Фактор, м-р Гордана Бешлиовска, претседателка здружението „За нас“ и на Унијата на здруженија на медицински сестри, техничари, акушерки и стоматолошки сестри (ЗМСТАС). Според неа станува збор за струка која не може и не смее да се заврши вонредно, а единствено што произлегува од ваквиот тип на образование е хиперпродукција на недоволно квалитетен медицински кадар.