ФАКТОР НА ДЕНОТ: Нови инциденти во училишта во Србија, во Македонија поплаки за дете кое во скопско училиште носело нож
Објавено во: Македонија 04 Мај, 2023
ПОВТОРНО ИМАШЕ ИНЦИДЕНТИ ВО УЧИЛИШТА ВО СРБИЈА
Ученичката која денеска со нож повреди дете и наставничка во училиште во Белград е сместена на психијатрија.
Петнаесетгодишното девојче кое денеска предизвика инцидент во училиштето „Руѓер Бошковиќ“, е сместено на преглед во психијатриска установа, пишува Танјуг. Таа и претходно имала психички проблеми, а пред неколку месеци била исфрлена од споменатото училиште. Момчето и наставничката се здобиле со полесни повреди и двајцата веднаш се примени во болница. Денеска имаше инцидент и со друго дете од 9 години кое имало список за отстрел во белградско училиште, а деца во Обреновац со пластичен пиштол го имитирале масакрот од вчера.
МОМЧЕ ВО БОСНА СЕ ЗАКАНИ ДЕКА ЌЕ НАПРАВИ МАСАКР ВО УЧИЛИШТЕМомче во босанскиот град Бихаќ се закани на социјалните мрежи дека ќе изврши слично убиство како она што вчера се случи во Белград во Србија.
Се работи за младо момче кое е поранешен ученик во мешовитата гимназија Бихаќ.
„Тоа момче кое уби осум деца за мене е крал! Долго време подготвувам такво нешто за економското училиште во Бихаќ. Ќе биде незаборавен масакр во Бихаќ, се колнам со животот! Кога сите знаевте да ме осудувате и избегавате, поради тоа ќе има терор“, напиша тој на социјалните мрежи.
По ова следеше соопштението од Мешовитото средно училиште.
ПОПЛАКА И ЗА СКОПСКО УЧИЛИШТЕРодители чии деца учат во ОУ „Браќа Миладиновци“ во Скопје бараат решение за проблематичен ученик.
Велат дека детето носи нож во училиште и ги малтретира останатите ученици. Од училиштето во изјава за МИА велат дека се преземаат сите законски мерки и дека во целиот процес се вклучени наставниот кадар и стручната служба. Вклучени се и останатите институции (Општина Аеродром, Педагошката служба при МОН, МЦСР, МВР, ДПИ).ОТПОВИКАН АМБАСАДОРОТ ОД ЧЕШКА
СЕ ОДБЕЛЕЖУВААТ 120 ГОДИНИ ОД СМРТТА НА ГОЦЕ ДЕЛЧЕВ
„Ако денес Република Северна Македонија тврди дека ги следи заветите на Гоце Делчев, зошто таа е најде сила да ги вклучи во својот Устав неговите сонародници, за чија слобода го жртвуваше својот живот! Верувам дека порано или подоцна ќе се најдат далекувидни политичари кои заветите на Гоце Делчев ќе ги претворат во дела“.
Ова го рече претседателот на Бугарија, Румен Радев, во својот говор во градот Гоце Делчев за време на чествувањето по повод 120-годишнината од смртта на револуционерот.ЧИТАЈТЕ УШТЕ
На возраст од 5 или 6 години децата се спрeмни да почнат да се учат да штедат. Психологот Радмила Манчевска вели дека предучилишната или училишната возраста е период кога децата треба да бидат свесни за вредноста на парите. Како што објаснува таа, децата најчесно учат преку примери.