ФАКТОР НА ДЕНОТ: Нови инциденти во училишта во Србија, во Македонија поплаки за дете кое во скопско училиште носело нож

Добивај вести на Viber

ПОВТОРНО ИМАШЕ ИНЦИДЕНТИ ВО УЧИЛИШТА ВО СРБИЈА

Ученичката која денеска со нож повреди дете и наставничка во училиште во Белград е сместена на психијатрија. 

Петнаесетгодишното девојче кое денеска предизвика инцидент во училиштето „Руѓер Бошковиќ“, е сместено на преглед во психијатриска установа, пишува Танјуг. Таа и претходно имала психички проблеми, а пред неколку месеци била исфрлена од споменатото училиште. Момчето и наставничката се здобиле со полесни повреди и двајцата веднаш се примени во болница.  Денеска имаше инцидент и со друго дете од 9 години кое имало список за отстрел во белградско училиште, а деца во Обреновац со пластичен пиштол го имитирале масакрот од вчера. 

Момче во босанскиот град Бихаќ се закани на социјалните мрежи дека ќе изврши слично убиство како она што вчера се случи во Белград во Србија. 

Се работи за младо момче кое е поранешен ученик во мешовитата гимназија Бихаќ.

„Тоа момче кое уби осум деца за мене е крал! Долго време подготвувам такво нешто за економското училиште во Бихаќ. Ќе биде незаборавен масакр во Бихаќ, се колнам со животот! Кога сите знаевте да ме осудувате и избегавате, поради тоа ќе има терор“, напиша тој на социјалните мрежи.

По ова следеше соопштението од Мешовитото средно училиште.

Родители чии деца учат во ОУ „Браќа Миладиновци“ во Скопје бараат решение за проблематичен ученик.

ОТПОВИКАН АМБАСАДОРОТ ОД ЧЕШКА

Oд Министерството за надворешни работи (МНР) велат дека повлекувањето на амбасадорот од Прага, Сашко Тодоровски претставува долг процес кој е воден од Комисијата во рамките на Министерството за надворешни работи, кои констатирале бројни прекршувања на процедурите и дипломатските практики, кои биле поткрепени и со материјални докази и прецизни констатации.

СЕ ОДБЕЛЕЖУВААТ 120 ГОДИНИ ОД СМРТТА НА ГОЦЕ ДЕЛЧЕВ

По повод 120 годишнината од смртта на македонскиот револуционер и народен херој Гоце Делчев(1872-1903), официјална партиска делегација на Левица на највисоко ниво, предводена од претседателот – проф. д-р Димитар Апасиев и раководителката на АФЖ – Весна Кираџиева, го посетија некогашното село Баница (Серско, Егејска Македонија) – местото на загинувањето и местото на првиот гроб на Војводата, учителот и апостолот на македонската народно-ослободителна борба.

„Ако денес Република Северна Македонија тврди дека ги следи заветите на Гоце Делчев, зошто таа е најде сила да ги вклучи во својот Устав неговите сонародници, за чија слобода го жртвуваше својот живот! Верувам дека порано или подоцна ќе се најдат далекувидни политичари кои заветите на Гоце Делчев ќе ги претворат во дела“.

ЧИТАЈТЕ УШТЕ

По големата трагедија што вчера се случи во едно од најуспешните основни училишта во Белград, „Владислав Рибникар“, при што 13-годишниот Коста Кецмановиќ застрела осум свои соученици и работникот од обезбедувањето, но рани и уште шест ученици и наставничката по историја, Фактор побара одговори од психологот и психотерапевт, доц. д-р Весна Блажевска, во однос на тоа што може да биде толкав голем тригер за едно дете да направи вакво монструозно злосторство. Според неа, булингот и меѓуврсничкото насилство се фактори кои имаат клучна улога за вакво нешто.

Енергетската криза го поттикна домашното производство на електрична енергија, но сепак не е доволно да го врати производството на ниво од пред десет години. По значителниот пад на производството кое од година во година се намалуваше, минатата година за прв пат има раст на производството.

Мермерен комбинат Прилеп менува газди, но не ја менува формата. И годинава за само сто дена направи профит од 2,2 милиони евра односно просечно дневна добивка од 22.000 евра. 

Само во првите четири месеци од годината Влада одзеде десетина лиценци на компании за одгледување на канабис за медицински цели. Се работи за зачестена појава во изминатиот период, ако се знае дека претходно можеше да се случи една-две компании за одгледување на канабис да престанат со работа во текот на годината.

Ќе биде ли општина Аеродром првата македонска локална власт што ќе издаде општинска обврзница и на тој начин ќе обезбеди пари за бројни проекти од интерес за граѓаните?