ФАКТОР НА ДЕНОТ: Скринингот ќе заврши за 16 месеци, во Источна Македонија беснеат пожари
Објавено во: Македонија 21 Јули, 2022
СКРИНИНГОТ ЌЕ ЗАВРШИ ЗА 16 МЕСЕЦИ
Нема да се менува унилатералната изјава која Владата ја достави до ЕУ пред два дена во Брисел.
Ова е одлучено по консултациите во Министерството за надворешни работи(МНР). Претходно, голем дел од експертската јавност, МАНУ, видни лингвисти и македонсти реагираа дека истата не го штити историскиот континуитет на јазикот.
Македонија пред два дена го започна таканаречениот скрининг процес пред преговорите со ЕУ. За скринингот Унијата предвидува 14 до 16 месеци, информираше вицепремиерот за европски прашања, Бојан Маричиќ. Скринингот е поделен на кластери, а тие би требало да бидат отворени по летните одмори. Во постапката Македонија ќе биде запознаена со деловите од своето законодавство кои ќе треба да ги усогласи со правото на ЕУ.
Маричиќ најави дека првиот скрининг Извештај за Кластерот „Фундаментални вредности“, го очекува во првиот квартал од 2023 година и информираше дека за овој Кластер треба да се подготват три патокази кои ќе треба да ја рефлектираат политичката заложба за спроведување на клучните стратешки реформи преку дефинирање на краткорочни и среднорочни цели.
ПОЖАРИ ВО ИСТОЧНА МАКЕДОНИЈААрмиски хеликоптер е на пат кон беровскиот регион каде пожарот меѓу селата Митрашинци и Будинарци е надвор од контрола.
Директорот на ЦУК, Стојанче Ангелов за МИА информира дека доколку има услови хеликоптерот ќе интервенира и ќе исфрли вода над опожарените површини.
За утре најавено е дека доколку има потреба од воздух ќе се вклучат еден полициски, еден армиски хеликоптер, а доколку има потреба ќе се активира и ЕР-трактор.ОБВИНЕНИЕ ЗА УБИСТВОТО НА ТОТ
Покренато е обвинение за убиството на ракометарот Денис Тот кое се случи на 7 април.
Обвинителството поднесе обвинение против тројцата осомничени за убиството на хрватскиот ракометар, Денис Тот кој беше претепан до смрт пред дискотеката „Привилиџ“ во Скопје.
„По кратка расправија, сите тројца му нанеле повеќе удари и тешки телесни повреди од кои кај оштетениот најпрвин настанала коматозна состојба, а следниот ден починал“, констатирало обвинителството.
Осомничените се товарат за кривично дело, убиство од член 123 став 1 во врска со член 22 од Кривичниот законик, според кое „Тој што друг ќе лиши од живот, ќе се казни со затвор најмалку пет години“.ЧИТАЈТЕ УШТЕ