ФАКТОР НА ДЕНОТ: Стејт Департментот ги стави Катица Јанева и Стевче Јакимовски на црната листа

Добивај вести на Viber

ЈАНЕВА И ЈАКИМОВСКИ СЕ НАЈДОА НА ЦРНАТА ЛИСТА

Стејт Департментoт објави дека на црната листа на САД се ставени поранешната специјална јавна обвинителка Катица Јанева и актуелниот градоначалник на Карпош Стевче Јакимовски. Одлуката е да им се забрани влез во САД, покрај на назначените и на семејствата на Јакимовски и Јанева.

„Јанева беше вмешана во коруптивни дела, вклучително и користење на нејзиното политичко влијание и службена моќ за лична корист“, изјави Метју Милер, портпаролот на Стејт департментот.

ЈАКИМОВСКИ ВЕЛИ ДЕКА ОВА НЕМА ДА ГО ПОКОЛЕБА ЗА ПРЕТСЕДАТЕЛСКИТЕ ИЗБОРИ

Градоначалникот на Карпош, Стевчо Јакимовски на вонредна прес-коференција изјави дека е изненаден од потегот на Стејт Департментот да го стави него на црната листа, но тоа нема да го поколеба во изборната трка за претседател и вели дека ќе му биде уште поголем мотив. 

Вели дека оваа одлука на Стејт департментот за да го стави него и неговите возрасни синови на црната листа е резултат на анкети, кои покажувале дека тој ќе влезе во вториот круг на претседателските избори и дека наводите за криминал во урбанизмот се неосновани, бидејжи се откажал од тие ингеренции.

ВРАБОТЕНИТЕ ВО ПОШТИ СЕ ПОЖАЛИЈА ЗА СВОИТЕ ПРОБЛЕМИ

Вработените во Македонска пошта денеска го изразија својот револт поради ненавремената исплата на плати за февруари. Претседателот на синдикатот на Македонска пошта, Боро Велигденов, посочи дека протестот на вработените е израз на загриженост за опстанокот на Македонска пошта, како и зачувувањето на нивните работни места.

ВЕЛОВСКИ ТВРДИ ДЕКА СОЦИЈАЛНО ЗЕМАЛЕ ЛИЦА КОИ ПОСЕДУВААТ ВОЗИЛО

Техничкиот министер за труд и социјална политика, Ѓоко Велковски, денеска објави дека биле направени 2252 незаконски исплаќања на сметките на корисници на средства за гарантирана минимална помош, а при тоа со вкрстување на податоците со МВР се увидело, како што рече, дека тие поседувале возило.

ЧИТАЈТЕ УШТЕ

Текстилната компанија „Мода“ од Свети Николе ќе држи Собрание на акционери на 16 април оваа година, а во предлог одлуките за кои треба да гласаат акционерите има интересни новини и податоци за компанијата.

Приходи од продажбата треба да надминат половина милијарда евра годишно, добивката треба да порасне за 14 отсто од лани, 74 нови вработувања и вложувања од 13,1 милиони евра. Ова се најважните меѓу клучните детали од финансискиот план за работење во 2024 година на „Макпетрол“ на кои ниту еден сериозен инвеститор во акции не може да остане рамнодушен

СМА Холдинг Ш.П.К., албанската компанија од Тирана која купува бизниси во Македонија, ја презеде „Студио Модерна“ од Скопје, застапникот на брендовите како „Дормео“, „Делимано“ „Вокмакс“ и „Топ Шоп“ со ланец на продавници низ земјата.

Компанијата „Неметали Огражден“ од Струмица заложува имот вреден 1,8 милиони евра, а целта им е да земат револвинг кредит кој би се користел и отплаќал во наредниот подолг период. За ова компанијата ја извести инвеститорската јавност преку Берзата, а тоа е и должна да го направи согласно со берзанските правила.

Поскапувањето на храната и движењето на цените се меѓу главните теми кои го окупираат фокусот на граѓните, што секако најмногу се должи на поскапувањата кои се наметнаа со последователните кризи. Дополнително деновиве престана да важи мерката „гарантирана цена“, што секако влијаеше на цените на продуките во маркетите.

Maкедонците јадат повеќе овошје од Србите, Црногорците и Словенците, помалку од Албанците и трипати помалку од жителите на Доминикана.