ФАКТОР НА ДЕНОТ: ВМРО-ДПМНЕ не гo менува ставот за уставните измени, власта вели дека тоа скапо ќе ја чини државата

Добивај вести на Viber

БЛОКАДАТА СКАПО ЌЕ ЈА ЧИНИ ДРЖАВАТА, ТВРДИ ВЛАСТА

Секретарот за меѓународни прашања на СДСМ Бојан Маричиќ, за вестите на телевизија Сител изјави дека  заблудите на ВМРО- ДПМНЕ скапо ќе ја чинат државата, а чекањето ќе ги исели младите во Европа.

Претседателот на ВМРО-ДПМНЕ Христијан Мицкоски кажа за што разговарале вчера со американскиот заменик-помошник државен секретар Габриел Ескобар.

Во ниту еден документ не е дефинирано дека македонскиот јазик ќе биде официјален во ЕУ, велат од Демократскиот сојуз. 

Блокадата на европскиот пат прескапо ќе ги чини земјата и народот, вели Дарко Каевски, портпарол и пратеник од СДСМ. 

КУМАНОВЕЦОТ СО ГОДИНИ ГИ МАЛТРЕТИРАЛ СВОИТЕ ЖРТВИ

Двојниот убиец од Куманово со години ги малтретирал жртвите.

Четириест и шестгодишниот Д.Ј. кој вчера ги уби својата сопруга и нејзината мајка, во повеќе наврати бил пријавуван за семејно насилство. Бил и осудуван за повредите што претходно им ги нанел на сега убиените мајка и ќерка.

ОСУДИ ЗА ЗНАМЕТО НА ГОЛЕМА АЛБАНИЈА ФОТОГРАФИРАНО ЗАД КАСАМИ ВО ТЕТОВО

И СДСМ ја осуди провокацијата на тетовскиот градоначалник Билал Касами, зад кој вчера повторно имаше знаме на Голема Албанија, додека промовираше улица. Фотографијата се појави на социјалните мрежи. 

Од СДСМ велат дека Касами продолжува со организација на настани со провокации и иконографија за поттикнување поделби меѓу граѓаните. Велат времето на национализам е завршено. 

„СДСМ ги осудува овие смислени провокации кои се одлика на политичари од минатото“, велат од владејачката партија.

Вицепремиерот Артан Груби рече дека настанот бил со цел да дефокусира и не е добар, ниту за Албанците, ниту за Македонците.