ФАКТОР НА ДЕНОТ: Застаре уште едно дело на Сашо Мијалков

Добивај вести на Viber

ЗАСТАРЕ УШТЕ ЕДНО ДЕЛО НА МИЈАЛКОВ

На поранешниот шеф на тајната полиција Сашо Мијалков денеска му застаре уште дело, откако Апелационен суд во понеделникот ја одложи седницата за „Титаник 2“ за 13 април.

На ова рочиште требаше да биде донесена пресуда за поранешниот директор на УБК, но тој нема да биде осуден за учество во изборни нерегуларност на локалните избори во 2013 година, бидејќи кривичното дело застарува денеска.

Случајот „Титаник 2“ се однесува за изборни нерегуларности на локалните избори во 2013 година во Општина Струмица.

ГАЛАБ ДОНЕВ СЕ ОБЈАСНУВАШЕ ЗА УСТАВНИТЕ ИЗМЕНИ

Бугарскиот технички премиер Галаб Донев вели дека Бугарија не сака да се меша во внатрешните работи на Македонија. 

Кажа дека уставните измени и носење други закони, секоја држава треба да ги решава во согласност со внатрешната практика. 

„Не е точна интерпретацијата дека ние сме сакале да учествуваме во тој процес“, изјави бугарскиот технички премиер Галаб Донев во интервју за бТВ.

ССМ ОБЈАВИ КОЛКУ ИЗНЕСУВАЛА ПОТРОШУВАЧКАТА КОШНИЧКА ВО МАРТ

На четиричлено семејство му требаат најмалку 50.000 денари за да го помине месецот. Трошоците на едно домаќинство во март изнесувале 50.070 денари. Толку „тежи“ синдикалната потрошувачка кошничка што ја изработува Сојузот на синдикати на Македонија. 

Од таа сума, 19.263 денари биле потребни за храна, а 13.417 денари за подмирување на режиските месечни трошоци. За превоз минимум биле потребни 3.679 денари, а за хигиени потребни се 3.186 денари.

ЧИТАЈТЕ УШТЕ

Генералниот директор Милковски преку вложувањето на 130.000 евра во акции на фирмата што ја води прати сигнал до инвеститорската заедница дека „Гранит“ е здрава, силна компанија која е најсериозен кандидат за учество во најголемата градежна експанзија на оваа петолетка наречена „коридор 8“

Голем број граѓани минатата година се соочиле со злоупотреби на нивните профили на социјалните мрежи, со објава на фотографии, видеа или адудио снимки на туѓи профили, или пак со навреди, клевети и уцени преку Интернет. Најмногу проблеми имало со социјалните мрежи „Фејсбук“ и „Инстаграм“, но проблеми за кои се жалат граѓаните имало и за другите социјални мрежи.

АД Државна лотарија на Република Северна Македонија вчера регистрираше уште една компанија, во која овој пат косопственик е австрискиот гигант за приредување игри на среќа ХТЛ, дознава „Фактор“. „ХТЛ Македонија“ е фирма-ќерка на Новоматик и ги поседува Мастербет и МА Гаминг во земјата. Новоматик директно го поседува гевгелиското казино коцкарница Макотен.

Сопственикот на градежната компанија „Настел“, која поседува 9,38 отсто од акциите на  „Реплек“, бара да влезе во Надзорниот одбор на таа компанија.

По повеќе од две и пол години, изгледа дека во април конечно ќе заврши сагата за пропаднатата Еуростандард банка.

Светскиот ден на здравјето, 7. април,годинешнава тема ја фокусира на „Здравје за сите“, пред сè заради глобалните предизвици со кои се соочува светот во изминативе неколку.

Во Росоман веќе има оштетувања на дел од насадите со праски, оние кои се во пониските делови. Мештаните чекаат да видат што ќе се случи идните денови и дали нивните овоштарници ќе ги издржат температурите.