Фармацијата Галеника ќе крати работни места
Објавено во: Економија 10 Август, 2017
Српската фармацевтска компанија „Галеника“ се подготвува да го намали бројот на вработени. Во оваа фабрика за лекови почна анкетирање на вработените, кои се заинтересирани за доброволно напуштање на работните места со социјална програма.
Според договорот меѓу српското Министерство за стопанство и репрезентативните синдикати, за сега тоа е само анкета, а веќе од 18 август и официјално ќе биде објавена програма за доброволно заминување од фирмата.
„Галеника“ моментно има 1.400 вработени, а за оптимален број на работните места се уште не се разговара.