Фирмите да издаваат фискални - УЈП ќе контролира и казнува
Објавено во: Економија 22 Јуни, 2017
УЈП во наредниот период ќе има засилени контроли на терен.
Апелираат фирмите да издаваат фискални сметки, во спротивно ќе се соочат со казни.
Првичните анализи на податоците од он-лајн системот за следење на готовинскиот промет на Управата за јавни приходи (УЈП) покажуваат дека голем број на фирми, особено во угостителството, не го регистрираат прометот во целост. Дополнитлено на адреса на УЈП постојано пристигнуваат и пријави за издавање на сметки кои не се фискални.
„Укажуваме дека употребата на опрема од неовластени производители кои ги немаат функционалностите и карактеристиките на фискален систем на опрема (фискална апаратура и интегриран автоматски систем за управување – ГПРС), е спротивно и казниво со Закон“ – велат од УЈП.
Сите субјекти кои вршат промет на добра и услуги за кои плаќањето се врши во готово, задолжително треба да издаваат фискални сметки на потрошувачите, на начин пропишан со Законот за регистрирање на готовинскиот промет.