ФОТО: Експлозија го стресе Њу Џерси - најден ранец кај железничката
Објавено во: Свет 19 Септември, 2016
Во Њу Џерси утрово одекна силна експлозија во близина на железничка станица.
На оваа локација пред инцидентот бил пронајден сомнителен пакет. Се смета дека експлозијата била контролирана, односно дека била предизвикана од робот кој го испитувал предметот. Градоначалникот на Њу Џерси изјави дека експлозијата не била контролирана и дека се случила додека надлежните се обиделе да го деактивираат ранецот, кој е пронајден во канта за смет во близина на станицата, а го пронашле двајца бездомници кои мислеле дека во него има нешто вредно. Но, кога виделе жици, го фрлиле и ја известиле полицијата, која сѐ уште работи на случајот.
Четири блока подалеку од местото на експлозијата, полицијата пронашла уште една бомба, која е предадена на ФБИ и е на вештачење во Вирџинија.
Железничкиот сообраќај е во прекин на оваа линија, а целата област е евакуирана. Сообраќајот бил блокиран утрово околу 9.30 по локално време на мостот Веракано, кој ги поврзува Бруклин и Стетн Ајленд.