ФОТО:Хрват прави чуда од остатоци од храна
Објавено во: Стил 22 Мај, 2016
Од вишокот риба и морски плодови, сплитскиот готвач Хрвоје Зиројевиќ прави брашно, чипс и желе со кое ја освои и Бијонсе.
Она што за другите е остаток, за него е гастрономска сложувалка. На ваков начин се осмислени стотици нови јадења. Со своите специјалитети овој готвач одушевил многу познати музички и спортски ѕвезди.
„Мојата филозофија е да се искористи што повеќе од свежите квалитетни намирници, а често и од деловите кои луѓето ги фрлаат. Тие можат да се ароматизираат со маслиново масло, а од остатоците од риба да се направи вкусен чипс. Освен тоа, овој пристап кон намирниците финансиски не е занемарлив“ - вели готвачот.
Лушпите од репа ги пече и ги меле, по што од нив прави брашно кое може да се употреби како додаток за разни јадења.
Кожата од рибите вели дека не мора да се фрла, туку да се попари, испржи и да се послужи како чипс.
Морската вода тој ја користи за готвење како што тоа го правеле старите рибари.