(ФОТО И ВИДЕО) РАОТИНЦЕ, ПРИЛЕП, КОЧАНИ...ЕВЕ КАКО ИЗГЛЕДААТ ПО СИНОЌЕШНОТО НЕВРЕМЕ: ЦУК алармира на нови опасности
Објавено во: Македонија 18 Јуни, 2023
Регионалниот ЦУК Прилеп известува дека по јавување на граѓанин
за оштетување на коритото на „Дабнички канал“ на ул. „Кеј 19 –ти Септември“ наспроти
објект - зграда 3 и е направена дупка што е проширена до работ со асфалтот од улицата.
На лице место веднаш е излезено од вработените во РЦУК Прилеп и е утврдено истото
и дека тоа претставува опасност за непретпазливи минувачи и евентуално пропаѓање
на асфалтот при минување на потешки возила.
Известено е ЈП „Водовод и канализации – Прилеп“ и побарано е веднаш да се изврши обележување на местото за да се предупредат минувачите, а и возачите, да не поминуваат покрај самиот раб на коловозот. За настанот е известена Единицата на локалната самоуправа (ЕЛС) Прилеп од каде што одговориле дека ќе превземат мерки во текот на утрешниот ден во координација со МВР ПС Прилеп и другите надлежни институции, објави ЦУК.
Нивото на Вардар кај тетовското село Раотинце е високо и не е променето од сношти.
Во кочанско поради слаби локални врнежи во сливното подрачје на Кочанска река нејзиното ниво е зголемено и во атарот на селото Облешево е високо.
Реката е излеана надвор од коритото, зафатена е земјоделска површина.