(ФОТО) ЈСП ги паркира автобусите каде што ќе стигне за да не им ги блокираат приватниците

Автобусите на ЈСП денеска стојат паркирани на разни локации низ Скопје за да не бидат блокирани од приватните превозници од двете здруженија кои денеска протестираат.

Синоќа излезе информација дека автобусите на јавното сообраќајно претпријатие се префрлени во Транспортниот центар под Железничката станица, но „Фактор“ дознава дека тие се препаркирани и кај пречистителната станица на Водовод и канализација во Волково, како и на локации како паркингот на последната автобуска станица во Ново Лисиче.

„Со кое одобрение и налог се паркирани ??? Прочистителната статица на Водовод и Канализација Скопје е објект од витално знаценје. Пример - ако се запалат пумпите во прочистителната станица, пожарната же нема пристап да интервенира во итни ситуации“, реагираат од синдикалното здружение СУТКОЗ.

Претходно приватните превозници, кои не возат поради спор околу долг со ЈСП, најавија дека денес своите автобуси ќе ги паркираат пред централата на ЈСП и ќе ја блокираат Проблемите меѓу ЈСП и приватните превозници предизвикаа хаос во јавниот превоз во главниот град и серија сериозни препукувања меѓу Арсовска и приватните компании кои вршеа превоз во Скопје.