ФОТО: Кинеско село во пештера, како луѓето живеат таму?
Објавено во: Стил 13 Август, 2016
Кинеското село Жонгдонг е специфично по тоа што таму живеат стотина луѓе и тоа во пештера.
Селото е во природна пештера, на 1800 метри надморска височина, а до него се стига по неколку часа пешачење.
Поради непристапноста на теренот, луѓето кои живеат во селото се борат за опстанок.
Владата го затвори училиштето кое беше отворено во 2011 година со изговор дека Кина не е земја на пештерски села.
Сега децата пешачат по два часа за да стигнат во друго училиште на часови.
Во пештерата имаат и кошаркарски терен.
Мештаните лобирале кај локалните власти за да се поврзат инфраструктурно од пештерата до други важни објекти.
Жителите на ова село повремено имаат пристап до телевизија и весници, но генерално се исклучени од надворешниот свет.