ФОТО: Кој е најмалиот град на светот?
Објавено во: Стил 10 Јули, 2016
Најмалиот град на светот е на Балканот, а од неодамна и во ЕУ.
Оваа титула за најмал град на светот му припаѓа на хрватскиот средновековен град Хум. Тој се наоѓа во централниот дел на Истра, на 7 км од Роча, и на 14 км од Бузета. Хум е на надморска височина од 349 метри.
Има 17 жители кои живеат во 4 домаќинства. Во овој мал и необичен град во црквите има фрески од 12 век.
Од настанувањето па до денес во Хум ништо не се градело. Во 11 век е изградена прво тврдина, а потоа и куќи. Градот привлекува многу туристи, се негуваат старите обичаи и се одржуваат „Денови на Хум“, настан на кој мажите од селото бираат поглавар.
Хум се одликува со тесни улички и камени градби.
За Хум се врзани многу легенди, а патувањето во овој дел на Хрватска е незамисливо без посета на овој град.
