ФОТО: Кој хрватски град е спој на фантазија и реалност?
Објавено во: Стил 25 Јуни, 2016
При посетата на градот во 1929 година ирскиот драматург Џорџ Бернард Шо извикува: "Оној кој бара рајот на земјата, треба да го посети Дубровник"
„Бисер на Јадранот" - така го нарекуваат хрватскиот град Дубровник, кој успева да плени илјадници посетители со своите природни убавини и античка историја.
Во минатото Дубровник бил меѓу најважните центри за развој на хрватскиот јазик и средиште на писатели, поети, сликари и голем број научници.
Градот - заедно со Амстердам и Венеција, е вклучен во списокот на УНЕСКО за најубавите градови од ренесансна Европа и е дефиниран е како светско наследство.
Плоштадот „Страдун" се наоѓа во срцето на градот. Тој е поплочен во 1468 година и изграден повторно по уништувачки земјотрес во 1667 година.
Палатата во Дубровник, која пак е изградена во 1460 година, денес е музеј. Дворецот бил резиденција на градоначалниците кои жителите на градот ги избирале на секои 4 месеци.