Фото: Македонските и бугарските министри весели како на екскурзија
Објавено во: Македонија 23 Ноември, 2017
Министрите на Владите на Македонија и Бугарија на денешните настани од агендата во Струмица имаа и кратко заедничко патување со комбе во кое беа пренесувани. Меѓу министрите од двете влади се шири многу позитивна и весела атмосфера, па доказ за тоа е и селфито кое го направи министерот за администрација на информатичко општество Дамјан Манчевски.
На заедничката седница на двете влади, меѓу Македонија и Бугарија беа потпишани десетина меморандуми за унапредување на соработката во повеќе значајни области со цел да се подобри инфраструктурата и да се поттикне развој на економијата.
Пријателскиот однос го потврдија и премиерите Заев и Борисов кои како и министрите се надеваат дека оваа позитивна атмосфера ќе се пренесе и кај граѓаните на двете земји кои се оптоварени со проблемите од минатото за конечно да зачекорат заедно како сојузници.