(ФОТО) Најскапата вила во светот се продава за 300 милиони евра
Објавено во: Стил 04 Август, 2016
Луксузна вила на Азурниот брег е ставена на продажба за 300 милиони евра. „Villa Les Cendres“ се наоѓа во регионот Сен Жан Кап Феран, полуостров на исток од Ница, кој е популарен со своите луксузни имоти, високи цени и приватни плажи.
Областа е прогласена за втор најскапа во светот по Монако. Сопственици на имотите таму се исклучително богати луѓе од светската елита - фамилијата Ротшилд, руски олигарси и американски технолошки милијардери.
Британскиот писател Сомерсет Моам кој имал куќа во регионот, ја дефинира како „„Ликот на Монако за луѓе опседнати со вкус“.
Над 90 години вилата е сопственост на фамилијата Марние, производител на популарниот коњак „Grand Marnier“. Неодамна нивниот бизнис беше стекнато од италијанскиот алкохолен гигант Campari, а со него и луксузниот имот. Италијанската компанија веднаш ја даде на продажба.
„Не сме навикнати да работиме со слични средства. Ние само продаваме алкохол, не поминуваме време во вили за стотици милиони на француската ривиера“, ги објаснил мотивите за продажба извршниот директор на Campari Боб Кунц-Кончевиц.
Вилата е изградена во 1830 година, а во 1904 година е купена од белгискиот крал Леополд II за негова летна резиденција. 20 години подоцна станува сопственост на Александар Марние Лапостол, творец на брендот коњак „Grand Marnier“.
Луксузната резиденција има неколку згради, консиерж, гостинска соба, винарија, раскошни градини со поглед кон сините води на Средоземното Море и цели 25 загревани стакленици.
Таа е светски позната со богатата палета од разновидни растенија - ботаничка градина со над 40 илјади видови, од кои 15 се тропски.
„Продажбата на слични имоти се случува еднаш или 2 пати во една деценија“, истакна Кунц-Кончевиц. Купувачи од Блискиот Исток и Северна Америка веќе пројавиле интерес кон супер луксузната вила. Ако договорот со резиденцијата се случи, таа ќе се претвори во најскапиот станбен имот, продаван некогаш.
Досега овој рекорд му припаѓаше на замокот на Луј XV во близина на Париз, кој беше продаден за рекордни 275 милиони евра.
Campari најверојатно ќе задржат 80 милиони ева вра од продажбата, останатите ќе бидат исплатени на акционерите на Grand Marnier, а секој од нив ќе добие просек по 8.000 евра по акција.