ФОТО+ВИДЕО: Силна експлозија ja потресе Анталија, има повредени
Објавено во: Балкан 25 Октомври, 2016
Силна експлозија се случи во турскиот туристички град Анталија на паркинг во близина на зградата на трговско-индустриската комора.
Ова го објави весникот „Милиет". Градоначалникот на Анталија, Мендерес Торел изјави дека се повредени неколку лица. Според него инцидентот се случил на паркинг, на кој немало луѓе.
„Има малку повредени од скршени стакла, бидејќи има скршени прозорци на зградата од експлозијата"- објасни тој на телевизијата CNN Turk.
Наводно, еден автомобил е целосно уништен од експлозијата, што се случи околу 8.50 часот. Оштетени се и неколку други автомобили.
Според податоците на телевизија NTV за денес во трговско-индустриската комора била планирана манифестација со учество на градоначалникот на Анталија.
Ноќта експлозија се случила и во градот Бингол. Најмалку едно лице загина, а 16 лица се повредени, соопшти агенцијата Анадолија.
Според информациите на агенцијата непознати лица активирале експлозивна направа при преминувањето на полициски автомобил. Во експлозијата загина вработен на органите на прогонот, а шест лица се повредени.