ФОТО+ВИДЕО: Двe експлозии во забавен парк во Јапонија
Објавено во: Свет 23 Октомври, 2016
Еден човек загина, а тројца се повредени во две експлозии во јапонскиот град Уцономиа.
Тие се случиле во познат забавен парк. Повредено е дете од 14 години и мажи на возраст од 58 и 64 години. Утврдено е дека пензиониран 72 годишен припадник на армијата го кренал во воздух својот автомобил при што загинал.
Тој претходно ја запалил својата куќа и оставил проштално писмо. Неговиот дом е во градот на 100 км северно од Токио.
На кадри од јапонската телевизија се гледаат два запалени автомобили на паркинг, кој се наоѓа на 200 метри од комплексот за забава. Во близина се одржувал фолклорен фестивал.
Нивото на криминал во Јапонија е релативно ниско, а аналитичари коментираат дека нема групи кои се закануваат со насилство.