(ФОТО+ВИДЕО) ПАНИКА ВО ШПАНИЈА: Ова е епилогот од нападот
Објавено во: Свет 17 Август, 2017
Повеќе од три лица загинаа, а 25 се повредени во терористичкиот напад што денеска се случи во шпанскиот град Барселона, кога комбе влета во топла луѓе.
Меѓу ранетите има и деца.
Две вооружени лица држеле заложници откако претходно излегле од комбето, кое удри во пешаци кои се затекнаа на плоштадот Лас Рамблас, пишуваат тамошните медиуми.
Полицијата е во потрага по возачот на комбето, кој веднаш побегнал од местото на инцидентот.
"Everybody started screaming"– eyewitness after several injured as van crashes into people in Ramblas, Barcelonahttps://t.co/w7nva15D4o pic.twitter.com/6FFaUcayte
— BBC Breaking News (@BBCBreaking) August 17, 2017
Според полицијата во Барселона инцидентот е терористички напад.
Нападот се случил во Лас Рамблас, популарно место во реонот на Плаза Каталонија.
Локални медиуми јавуваат дека се слушнале и истрели на пазарот Бокерија во Барселона и дека две вооружени лица се забарикадирани во ресторан на плоштадот во Барселона по инцидентот со минибусот.
Полицијата го блокираше реонот, а на местото на инцидентот има осум возила на брзата помош.
Каталонскиот премиер Карлес Пучдемон го прекина годишниот одмор и се враќа во градот.
Упатен е апел граѓаните да го избегнуваат ова популарно туристичко место. Запрени се сите метро линии, а тие што се нашле во овој реон се засолнуваат во околните згради.
Станува збор за терористички напад кој потсетува на тој во Лондон.