ФОТО+ВИДЕО: Полициска акција во Саксонија - најден е експлозив
Објавено во: Свет 08 Октомври, 2016
Дел од германски град е под опсада поради полициската операција да се запре можен терористички напад, пишува „Ди Велт“.
Во Кемниц, во Саксонија полицијата најде експлозив, а сега се бараат луѓето кои подготвувале напад. Се затвораат и улиците во близина, а во тек е евакуација. Се шпекулира дека во една од зградите има опасен терорист кој носи појас со експлозив.
Полицијата побара од граѓаните да останат во своите домови и да не објавуваат видеа и фотографии од акцијата на полицијата.
Кемниц се наоѓа на 70 километри од Дрезден и таму има силно антиимигрантско движење. Антиимигрантската „Пегида“ неколку пати организираше протести во градот.