(ФОТО+ВИДЕО) Пожар во Макарска, над 200 пожарникари се борат со огнот
Објавено во: Балкан 19 Јуни, 2017
Туристите од три хотели во Тучепи во Макарска и дел од мештаните се евакуирани во раните утрински часови поради пожарот што избувна во Горњи Тучепи.
Повеќе од 200 пожарникари успеаја да ги спасат хотелите од огнот, пишуваат хрватските медиуми. Пожарникарите проценија дека ќе биде тешко со гаснењето на пожарот во текот на денот, но досега не е повреден никој.
„Имаме само еден крак од пожарот во планините и еден во североисточниот дел на Тучепи. Само на северната страна на Макарска може да се дојде со човечки сили”- вели командантот на противпожарната бригада, Дражен Главина.
Хрватскиот автомобилски клуб објави утринава дека поради пожарот е затворен патот Макарска-Вргорац за сите видови сообраќај, а на главниот пат од Макарска до Тучепи се вози на една лента.
Хрватската влада како помош ќе испрати 140 припадници на армијата. Изгореа над 200 хектари шума.