Французите сакаат да работат во недела, судот им забранува!

Добивај вести на Viber

Забрането е работниците да работат во недела, пресече францускиот трговски суд кој им нареди на два синџири на продавници, за градежна опрема и материјали, во недела да ги затворат своите 15 супермаркети. Ако тоа не го сторат, пропишана е казна од по 120.000 евра за секоја отворена продавница во недела. Последната забрана се однесува за парискиот синџир супермаркети „Касторама“ и „Леруа Мерлан“, но само пред неколку дена санкционирана беше и продавницата за козметика „Сефора“ бидејќи работела во ноќните часови. Во 2012 година, судот на уште еден синџир супермаркети „Брикорама“, им наложи да ги држат затворени продавниците во недела. И тие продаваат градежна опрема и материјали. Ваквата одлуката која според дирекцијата на супермаркетот, предизвикала намалување на прометот за 25 отсто и проблеме за 200 работни места. Затоа сега работниците сакаат да работат во недела, но синдикатите се против ова. Според работниците, затоа што вратите се затворени во недела, земаат пониска плата за за 300 евра месечно. Според законите во Франција, ако се работи во неработен ден, дневницата е повисока и тоа мора да се почитива од работодавачите.