Французинките неможат да го прежалат укинувањето на франкот
Објавено во: Свет 02 Јануари, 2013
И по 11 години од воведувањето на еврото, високи 62% од Французите сеуште жалат за францускиот франк. Според Жером Фуке од институтот Ифоп, кој ја изработи оваа анкета, испитувањето покажува дека наспроти најавите при воведувањето на еврото, сеќавањата за франкот не само што останале, туку растат и критиките кон еврото во време на економската криза.
Во 2002 година, носталгија кон франкот имале 39% од испитаните граѓани, во јуни истата година нивниот број изнесувал 48 проценти, за во 2005 година да порасне на 61%.
Инаку, највисоката точка носталгијата за франкот досега беше 2010 година, кога жалење за укинатиот франк изразиле 61 отсто од испитаниците. Според структура на население, кај службениците и работниците, носталгични за француската монета биле 77 проценти од испитаните граѓани, додека кај високите кадри и либералните професии само 41 отсто . Според последните податоци од 2012 година, многу повеќе за франкот жалат Французинките, 70 проценти од испитаните, додека помеѓу мажите од Франција жалење за франкот изразиле 54 отсто.