ГАСОТ СКАРА ТРИ ЗЕМЈИ: Кој на кого се закани?
Објавено во: Балкан 14 Февруари, 2018
Tурскиот претседател, Реџеп Таип Ердоган ги предупреди Грција, Кипар и меѓународните организации кои се во потрага по природен гас во Средоземното Море да не „ја преминат линијата“ и да не ги загрозат правата на Турција.
Неговото предупредување е во период кога турски воени бродови продолжуваат со блокирање на достава на опрема за дупчење на Кипар кое го изведува италијанска компанија.
Турција се противи на барањето на нафта и тврди дека таквите постапки ги кршат правата на Турците кои живеат на Кипар.
Ненаселените острови Имиа кои во Турција се позната под името Кардак, долго време претставуваат проблем во односите помеѓу Турција и Грција имајќи предвид дека и двете земји имаат право на нив.
Ердоган ја предупреди Никозија да не ја преминува границата. Дотука се стигна, отако Анкара спречи еден италијански брод да изврши сондажи за гас крај брегот на Кипар.
Во основата на спорот е тврдењето на Турција дека делови од територијалните води на поделениот остров Кипар се под јурисдикција на кипарските Турци. Во нив турската државна нафтена компанија, исто така, врши сондажи за гас.
Од Кипар пак тврдат дека имаат суверено право на сондажи и ако тие се успешни, приходите ќе бидат поделени праведно при евентуално обединување на Островот.
Европската комисија, исто така, интервенираше во спорот, и портпаролот ја советуваше Турција да ги задржи добрите односи со своите соседи.
„Негативните изјави кои ги прекршуваат добрососедските односи треба да се избегнуваат, особено во пресрет на средбата во Варна“- изјави Маргаритис Схинас, портпарол на Европската комисија.
Кипар е поделен уште од 1974 година, кога турските трупи извршија инвазија и го окупираа северниот дел на островот.