Гаспром забележа нето загуба од 6,4 милијарди евра во 2023 година, прва во последните 14 години
Објавено во: Економија, Свет 03 Мај, 2024
Рускиот енергетски гигант Гаспром објави дека во 2023 година ја забележал првата загуба во последните 14 години, во износ од 629,1 милијарди рубљи, што е приближно 6,4 милијарди евра. „Гаспром“ забележа значително подобар резултат во 2022 година, добивка од 1,23 милијарди рубљи или околу 12,5 милијарди евра, пренесува Комерсант.
Руската компанија последен пат забележала годишна загуба во 1999 година кога изнесувала повеќе од 79 милијарди рубљи, а од тогаш до 2023 година компанијата била профитабилна.
Приходите на Гаспром во 2023 година изнесуваа 8,6 трилиони рубљи, што е за три трилиони рубљи помалку од 2022 година.
For the first time in a quarter of a century Gazprom is losing money. For decades this was the huge cash cow of the state. No longer. https://t.co/w30iT6glVs
— Carl Bildt (@carlbildt) May 2, 2024
Извештајот на компанијата, исто така, покажува дека обемот на инвестиции на Гаспром може да падне за 16 отсто во 2024 година.
Приходите на Гаспром од продажбата на гас паѓаат поради намалувањето на извозот во Европа, а до крајот на 2023 година веќе се инфериорни во однос на приходите на нафтениот бизнис.
Според аналитичарите, компанијата сепак може да плаќа дивиденди, но помалку од очекуваното, наведува Комерсант.