Германците плаќаат на лекарите да доведат уште колеги
Објавено во: Финансии, Свет 22 Декември, 2016
Лекарите од Србија кои ќе заминат во Германија добиваат уште 2.000 евра за да доведат уште некој нивни колега, пишува белградски Блиц.
Германија планира да „увезе“ 120.000 специјалисти, а од сето ова можат да заработат и лекарите посредници.
„Неверојатен е недостигот на медицински сестри и негуватели. Болниците и старечките домови ги бараат на секој можен начин. Ако луѓето кои сме ги довеле го поминат пробното работење од 6 месеци, добиваме по 2.000 евра. Треба да се знае германски јазик на ниво Б2, но сега примаат и со ниво Б1“ - објаснува лекарот Душан Марковиќ.
Тој со себе одвел медицински лица од Србија и БиХ.
Друг посредник вели дека добиваат по 500 евра бонус од болницата, без разлика дали кандидатот кој го донеле ќе ја помине пробната работна или не.
Тој кажува дека најмногу слободни места има во Баварија, Баден Виртемберг и Северна Рајна Вестфалија.