ГЕРМАНИЈА: Aко има заклучување, 50.000 трговци и 250.000 вработени ќе бидат погодени
Објавено во: Економија, Корона Вирус 04 Јануари, 2021
Германските трговци на мало тврдат дека ново заклучување би довело до „бран на стечаи“.
До 50.000 трговци на мало би можеле да пропаднат доколку затворањето поради вирусот продолжи и по 10 јануари, предупредуваат од здружението на трговски друштва.
„Ситуацијата е навистина многу сериозна“, вели Штефан Гент, извршен директор на германското Здружение за малопродажба (ХДЕ), додавајќи дека трговците се чувствуваат заборавено во пандемијата.
Во писмото во кое увид имала новинската агенција ДПА, а кое изминатиот викенд e испратено до канцеларката Ангела Меркел, ХДЕ бара перспектива и насочена и ефективна помош за продавниците погодени од прекинувањето на работата. На скоро 50.000 продавници со повеќе од 250.000 вработени им се заканува затворање доколку продолжи заклучувањето. Германија поради пандемијата влезе во рецесија, но економијата сега се опоравува.