Германскиот гигант „Харибо“ го напаѓа САД-Гради објект вреден над 240 милиони долари
Објавено во: Свет 24 Март, 2017
Германскиот кондиторски гигант Харибо планира до 2020 година да ја отвори првата фабрика во САД, во американската сојузна држава Висконсин.
„Планираме изградба на еден од најголемите објекти во кондиторската индустрија“, се наведува во соопштението на финансискиот директор на Харибо Америка, Вес Себер, пренесе Франс прес.
Раководството на компанијата во Германија дало “зелено светло“ за купување на локацијата во југоисточен Висконсин, каде ќе биде сместена новата фабрика.
„Харибо гради 242 милиони долари вреден објект со 400 добро платени работни места. Тоа е сјајно“, напишал гувернерот на Вусконсин Скот Вокер на социјалните мрежи.
Американскиот огранок на Харибо, е присурен во САД од 1982 година, моментално работи од седиштето во Роузмонт (Илиноис).
Основан во 1920 година во Бон, западна Германија, Харибо денес вработува околу 7000 луѓе, ширум светот и произведува 100 милиони гумени мечиња (бомбони) дневно.