ГЕРМАНСКИТЕ ГАЗДИ ГИ „КРАДАТ“ РАБОТНИЦИТЕ НА ПЛАТА: Штом се олабави контролата, драстично се зголемува бројот на измами, овие работници поминуваат најлошо
Објавено во: Финансии, Свет 09 Февруари, 2024
Минималната саатница е јасно регулирана во Германија. Царинските службеници лани контролирале помалку работодавци отколку во 2022 година, но бројот на прекршителите на законот не се намалува.
Според Министерството, минатата година се зголемил бројот на истраги за прекршување на законот за минимална саатница - иако биле контролирани помалку фирми од претходната година.
Во 2023 година, Царинската финансиска контрола на незаконско работење покренала 7.249 истраги поради прекршување на законот за исплата на минимална саатница, се вели во одговорот на Министерството за финансии на барањето на претставникот Виктор Перли. Во 2022 година се изброени 5.898 процедури.
- Има значително повеќе измами со минимална плата - рече Перли.
Повеќе контроли отколку покачување на минималната саатница
Откако минималната саатница беше зголемена на 12 евра на 1 октомври 2022 година, истрагите „значително се зголемија“, рече тој. Меѓу другото, потребни се построги правила за евидентирање на работното време за лесно да се докаже измамата, истакнува Перли. Покрај тоа, тој повика на зголемена контрола врз финансискиот надзор на незаконското работење.
Бројот на непријавени случаи е многу поголем
Бројот на непријавени случаи е значително поголем, јавуваат германските медиуми.
Во 2022 година имало 53.182 проверки. Секторите со најмногу контроли беа градежништвото, угостителството, хотелиерството и дејностите кои вклучуваат превоз и транспорт.
Според бројките, приближно една од шест инспекции довела до покренување постапка против работодавачите.
Зголемена саатнина
Од почетокот на годинава законски пропишаната минимална плата изнесува 12,41 евро бруто на час. Според податоците на Министерството, царината лани проверила дали 42.631 работодавач исплатил минимален час.
Можеби ќе ве интересира
ГАЗДИТЕ НЕ ГИ ИНТЕРЕСИРА ИСКУСТВОТО, ВАЖНО Е ДА САКААТ ДА РАБОТАТ: Овие два занаети се плаќаат повеќе од 150.000 динари месечно во Србија
ФАРМАЦЕВТ ВРТИ МИЛИОНИ ОД МАСЛИНКИ: Зошто дивее цената на маслиновото масло?
ЗА СМЕСТУВАЊЕ ВО ПОДРУМ БАРААТ ДУРИ 1.300 ЕВРА: Нудат непостоечки апартмани, Грција годинава пресолена, посебно сега за празниците
НАВАЛА ОД СТРАНСКИ РАБОТНИЦИ ВО ХРВАТСКА: Годинава се очекуваат над 200 илјади
ЧИСТАЧКИ И НЕГУВАТЕЛКИ РАБОТАТ ЗА МИЗЕРНА ИЛИ НИКАКВА ПЛАТА: Најчесто работат на црно, без никаква заштита
И ВО ПЕНЗИЈА НА РАБОТА: Сè повеќе трговски синџири бараат исклучиво пензионери
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
