Го оствари својот сон со работа на себе: Успешната приказна на Јованка Ивановска

Добивај вести на Viber

Во нова кампања промовираме претприемачи кои ја разбираат потребата од дигитална едукација при градење на својот бренд и раст на компанијата. Независно во која сфера работат овие луѓе одвојуваат време на своја едукација за да можат самостојно да придонесат за дигитална промоција на брендот.

Јованка Ивановска од неодамна го отвори својот прв салон за убавина „Ivanovska Beauty“. Исто така таа е и студент на Академијата за дигитален маркетинг, на која се запиша за да стекне знаење за подобро да го промовира својот бренд и да привлече нови клиенти на социјалните медиуми.

Ивановска Вие неодамна го отворивте вашиот прв салон за убавина “Ivanovska Beauty”, а од поодамна сакате да имате Ваше студио.  Кој е предизвикот да бидете сопственик на свој салон, од тоа да работите кај некој друг?

Јованка Ивановска: Предизвикот да сè биде сопственик, јас го гледам како напредување во својата кариера, бидејќи кога работев на други места немав можност да се истакнам која сум и што сум сè додека не го отворив студиото.

Уште пред да го отворите вашиот салон, Вие се запишавте на Академијата за Дигитален Маркетинг во Creative Hub. Дали тоа значи дека бевте свесни за значењето и на потребата за дигитална промоција на Вашиот бренд уште пред да отворите Ваше студио?

Јованка Ивановска: Имав некои предзнаења за маркетингот, но кога ја почнав Академијата почнав многу да се надоградувам и да го градам својот бренд дигитално, да се промовирам себеси како личност, а и како нов бренд на пазарот. Мислам дека не згрешив што ја одбрав Академијата за Дигитален Маркетинг во Creative Hub, и ја препорачувам на сите сопственици на бизниси, нови или веќе постоечки.

Со оглед на тоа дека работата во козметички салон е многу обемна, колку време имате да посветите на маркетингот?

Јованка Ивановска: Сè трудам секој ден после работното време, да одвојам барем еден час за промовирање на мојот нов бренд, правење реклами на социјални мрежи, собирање импресии од тие реклами и слично.

Кој е најчестиот канал (социјална мрежа) која што ја користите за привлекување нови клиенти и каде што луѓето најчесто ве контактираат?

Јованка Ивановска: Единствениот канал на кој што одлучив да привлекувам клиенти и каде што ме контактираат потенцијалните или веќе постоечките клиенти е Инстаграмот. Тоа е една од причините заради кои одлучив да се запишам на Академијата.