Годинава нафтата ја почнува со раст на цената

Добивај вести на Viber

Оваа година нафтата ја почнува со пораст на цената. 

Цените на нафтата се зголемуваат од самиот почетокот на 2017 година, поддржани од договорот за намалувањето на приносот во ОПЕК и надвор од картелот, кој влезе во сила на 1 јануари, пишува Ројтерс.

Нафтата ја заврши 2016 година со зголемување на цената што се покажа најголем годишен раст од 2009 година. Американската лесна сурова нафта WTI поскапе за 45% лани, а европскиот репер Брент – за 52%.

Утрово, WTI поскапе за 0,5% до 54 долари за барел, а цената на Брент расте за 0,44% до 57,07 долари за барел. Се очекува дека јануари ќе ја игра улогата на индикатор за тоа дали договорот ќе се почитува.

„Пазарите ќе бараат докази за намаленото производство“- вели Рик Спунер, главен пазарен аналитичар во CMC Markets во Сиднеј. 

Минатата недела Оман ги извести клиентите дека ќе го намали дотурот за 5% од март.

Либија, за која има исклучок од договорот го зголемила производството до 685.000 барели дневно до недела од околу 600.000 барели дневно во просек во декември. Податоците се од претставник на Националната нафтена корпорација.

Русија, не членува во ОПЕК, но објави дека ископувањето во декември е без промена на ниво 11,21 милиони барели дневно, но се подготвува да го намали производството за 300.000 барели дневно во првата половина од оваа година.