Гори Нов Зеланд, евакуирани над 1000 луѓе
Објавено во: Свет 16 Февруари, 2017
Повеќе од 1.000 луѓе од областa која се наоѓа јужно од новозеландскиот град Крајстчерч се принудени да ги напуштат своите домови поради зголемените шумски пожари.
Ова го соопшти градоначалникот на Крајстчерч, Лианг Диел.
Посочи дека евакуацијата на повеќе од 450 домови во Порт Хил и други предградија била потпомогната од полицијата и војската. Ја оцени ситуацијата како многу сериозна.
Според последните податоци, јужно од Крајстчерч беснеат истовремено четири шумски пожари и веќе уништија 11 куќи.
Борба со огнот водат 300 пожарникари со помош на 13 хеликоптери и три авиони. Во вторникот еден од хеликоптерите се урна, а пилотот му загина. Крајстчрч е трет по големина град во Нов Зеланд, а во него живеат околу 390 000 луѓе.