Грчката полиција со отров врз демонстрантите
Објавено во: Балкан 24 Декември, 2012
Претседателот на Здружението на лекари на Атина Јоргос Патулис, во разговор со новинар од агенцијата Анадолија, изјавил дека хемикалиите кои се наоѓаат во солзавецот што го употребила полицијата можат да предизвикаат сериозни последици по здравјето на луѓето.
Патулис за време на протестите работел како волонтер, и во ситуации кога биле употребени хемикалиите, им помагал на луѓето кои имале респираторни проблеми. Тој додаде дека во државни лаборатории се тестирани примероци од гас бомбите кои биле употребени на протестите, и откриено е дека содржат отро-клоробенилидин-малононитриле (ЦС). Според него, овие хемикалии предизвикуваат сериозни здравствени проблеми, од респираторни болести до рак.
- Откако откривме ЦС во примероците што ги тестиравме, утврдивме дека тие можат да предизвикаат сериозни здравствени проблеми. Солзавецот предизвикува отежнато дишење и печење на очите, и секако дека може да ги доведе луѓето во животна опасност ако го вдишат. ЦС содржи и канцерогени материи и може да предизвика големи здравствени проблеми, меѓу кои и рак, изјави Патулис.
Тој ја повика грчката Влада да „не ги користи овие хемикалии затоа што предизвикуваат долгорочни проблеми со дишењето, воспаление на очите, и болести на кожата“ и предложи да се употребуваат водени топови или други недеструктивни техники, како што се прави во многу европски земји.
Патулис соопшти дека од министерот за јавна безбедност и заштита на граѓаните Никос Дендиас добил позитивен одговор, и оти министерот ветил дека овие хемикалии повеќе нема да се купуваат за да се користат на протестите, „но ќе се користи вода под висок притисок и боја“.
- На последните протести користеа вода под висок притисок, но и хемикалии. Се надеваме дека Владата ќе донесе одлука за забрана на користење на овие хемикалии, изјави Патулис.Можеби ќе ве интересира
ВО СУПЕРМАРКЕТИ, АПТЕКИ И ДРУГИ ПРОДАВНИЦИ ВО ГРЦИЈА, НЕ Е ДОЗВОЛЕНО ДА СЕ ОДИ ВО КОСТИМ ЗА КАПЕЊЕ: Ако ги почитувате овие правила, нема да ги налутите сопствениците
„НУДАТ ШУПИ И ДУПКИ, А ЦЕНИТЕ СЕ КАКО ВО МОНАКО“: Сместувањето во Грција поскапело повеќе од двојно, Србите се во невидена паника за летување!
ВУЧИЌ ЗА АМАНДМАНИТЕ КОИ ГИ ПОДНЕСЕ ЦРНА ГОРА НА РЕЗОЛУЦИЈАТА ЗА СРЕБРЕНИЦА: Тоа е валкана игра и перфиден трик
КРАДЕЛ НА ПЕЛОПОНЕЗ: Уапсен е македонски државјанин со „богато“ криминално досие
ГЕРАПЕТРИТИС: Граѓаните на Северна Македонија не би сакале да ги стават во опасност односите со Грција
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
ПОЛИЦИЈАТА ЗАПЛЕНИ СЕКИРА И НОЖ: Четиринаесетгодишно девојче од Црна Гора планирало терористички напад во Грац
Поради Рамштајн цените за сместување во Белград отидоа до небо! Ноќевање на некои места достигнува и до 80 000 динари, ден по концертот истите едвај се 5000
АТЕНТАТОРОТ ГОРД НА СВОЈОТ ЧИН: Поетот кој пукаше во премиерот на Словачка изведен пред суд
