Грција бара од Европа да ја вразуми Турција

Добивај вести на Viber

Европската Унија да ги осуди активностите на Турција и да преземе мерки, бара Грција. 

Европскиот совет на 20 и 21 јуни да ги осуди незаконските активности на Турција во кипарската ексклузивна економска зона, барал грчкиот премиер Алексис Ципрас од претседателот на советот Доналд Туск при денешен телефонски разговор.

Ципрас во разговорот истакнал дека Европскиот совет треба да разгледа „конкретни мерки против инволвираните во незаконските активности, доколку Турција инсистира на прекршување на меѓународното право“.

Грчкиот министер за одбрана, Евангелос Апостолакис ја отфрла можноста за сериозен инцидент со Турција поради истражувањата на Анкара за природен гас во ексклузивната економска зона на Кипар. Вели дека кипарската и грчката војска се континуирана подготвеност поради континуираните прекршувања, а Турција има многу други свои проблеми со кои треба да се соочи, меѓу кои и нејзината кревка економија.

Апостолакис смета дека Грција и Кипар имаат поддршка од САД и од ЕУ, а вчера премиерот Ципрас и лидерот на опозицијата Киријакос Мицотакис најавија дека би побарале санкции од ЕУ против Турција.

Турција го презира меѓународното право и систематски ги крши суверените права на Кипар, ако ексалираат постапките, Грција и Кипар да побараат санкции од ЕУ, вели Мицотакис за последните активности на Турција во ексклузивната економска зона на Кипар.