Груевски вели дека со гаранции е спречено Заев да ја разградува унитарноста
Објавено во: Македонија 18 Мај, 2017
Лидерот на ВМРО-ДПМНЕ, Никола Груевски денеска изјави дека е добро што со здружени напори на граѓаните кои што секојдневно протестираа, со напори на ВМРО-ДПМНЕ и на нивната пратеничка група, со напори на претседателот на државата успеале да дојдат до ситуација кога Зоран Заев беше принуден да потпише гаранции.
Груевски вели дека досега тоа не морал да го стори ниту еден мандатар.
„Со потпишувањето се гарантира дека нема во иднина да се наруши унитарноста на државата и тоа е одлично и добро, затоа што тоа и беше главната цел, да се спречи разградување на унитарноста на РМ, нешто што гледавме од изјавите и на самиот Заев и во Сараево и во други негови изјави, како и од изјавите на ДУИ и на други партии од албанскиот блок“ – изјави Груевски.
Лидерот на СДСМ, Зоран Заев вчера го доби мандатот за состав на нова Влада.